“E kam të pamundur ta besoj o Baba Todi”, ndahet nga jeta Todi Bozo

Është ndarë nga jeta sot kineasti i njohur shqiptar Todi Bozo.

Ka qenë familja që e ka dhënë lajmin e rëndë. “Nuk është e lehtë të shkruaj për të treguar se ti nuk jeton më Todi Bozo.
Ti heroi i heshtur i ëndrrës së kinemasë shqiptare…pionier i prodhimit të filmit shqiptar…ti baba e shok që na lë pas kujtime te bukura”, shkruan Alda Bida, bashkëshortja e djalit të tij, Petri Bozos.

Bëhet me dije se të dielën më dt 4 shkurt ora 10:00 me 12:00 ne Muzeun Kombëtar do të jenë homazhet për t’i dhënë lamtumirën e fundit.

“E kam të pamundur ta besoj o Baba Todi! Të desha e do të të dua në përjetesi si njeriun që më ka dhënë bekime e besim”, shkruan Bida.